अमेरिकी उपराष्ट्रपति भान्सलाई पुत्रलाभ, बने चौथो सन्तानको पिता

वासिङ्टन डिसी । अमेरिकी उपराष्ट्रपति जेडी भान्स र उनकी पत्नी उशा भान्स चौथो सन्तानका रूपमा पुत्रलाभ हासिल गरेका छन्। उपराष्टपति भान्सले सामाजिक सञ्जालमार्फत आइतबार बिहान छोरा एलेक निल भान्सको जन्म भएको जानकारी दिएका हुन्।

भान्सले भने, ‘उशा र शिशु दुवै खुसी र स्वस्थ छन्, अनि हाम्रा बालबालिकाहरू आफ्ना साना भाइसँग भेट्न पाउँदा निकै उत्साहित छन्।’ उनले वाल्टर रिड मेडिकल सेन्टरका सैन्य चिकित्सक तथा कर्मचारीहरूलाई उनीहरूको हेरचाहका लागि धन्यवाद पनि दिएका छन्।