तीनओटा समितिको बैठक बस्दै, प्रतिवेदन र अनुगमन समीक्षामाथि छलफल

काठमाडौँ। व्यवस्थापिका संसद्अन्तर्गतका तीनओटा विषयगत समितिको बैठक आज सोमबार बस्दै छ। आज विधायन व्यवस्थापन समिति, सार्वजनिक नीति तथा प्रत्यायोजित विधायन समिति र सङ्घीयता सबलीकरण तथा राष्ट्रिय सरोकार समितिको बैठक बस्न लागेको हो।

सङ्घीयता सबलीकरण तथा राष्ट्रिय सरोकार समितिको बैठक बिहान ११:०० बजे तय गरिएको छ। यस बैठकमा संसदीय अध्ययन तथा अनुसन्धान महाशाखाद्वारा तयार पारिएको ‘राष्ट्रिय महिला आयोगको कार्य प्रभावकारिता सम्बन्धी अध्ययन’ प्रतिवेदनबारे विस्तृत छलफल हुने कार्यसूची रहेको छ।