पूर्वतयारी बिना ठेक्का निकाल्न रोकदेखि मजदुरलाई सामाजिक सुरक्षासम्म, कार्यान्वयन कति सम्भव ?

काठमाडौँ । घाम लाग्दा उड्ने मुग्लिन–पोखरा सडकको कुइरीमण्डल धुलो होस् वा वर्षौंदेखि पिलरमात्र ठडिएर अलपत्र परेका देशभरका सयौँ पुल– यी दृश्य नेपालको विकास निर्माणका स्थायी ‘विम्ब’ बनिसकेका छन् ।

ठेक्का ओगट्ने, समयमा काम नसक्ने, मोबिलाइजेसन पेस्की लिएर बेपत्ता हुने र घामपानी नभनी खटिएका कामदारले ज्याला नपाउने जस्ता समस्याले नेपालको विकास निर्माण आयोजना समयमा सम्पन्न हुन सकेका छैनन् ।