‘ब्रन्ज फाइनल’ पूर्ण रोमाञ्चक

कसैले पनि खेल्न नचाहेको फिफा विश्वकपको तेस्रो स्थानको खेल अन्ततः सबैले समाप्त नहोस् भन्ने चाहना राखेको खेल बन्यो। अमेरिकाको मियामीमा इङ्ल्यान्ड र फ्रान्सबिचको ‘ब्रन्ज फाइनल’ पूर्ण रूपमा रोमाञ्चक बन्न पुग्यो।

खेलमा कुल १० गोल भए, जसमध्ये ६ गोल इङ्ल्यान्डले गर्‍यो। अझ गोल संख्या यसभन्दा बढी पनि हुन सक्थ्यो। बुकायो साका विश्वकपको नकआउट चरणमा ह्याट्रिक गर्ने दोस्रो इङ्लिस खेलाडी बने। यसअघि सन् १९६६ को फाइनलमा सर जियोफ हस्र्टले यो उपलब्धि पाएका थिए। विश्वकपमा फ्रान्सविरुद्ध ह्याट्रिक गर्ने अर्को खेलाडी भने सन् १९५८ मा ब्राजिलका महान खेलाडी पेले हुन्।