के छ पहिचान नभएका तथा बेवारिसे शव व्यवस्थापन निर्देशिका, २०७८ मा ?

नेपालमा दुर्घटना, प्राकृतिक विपद् वा अन्य कारणबाट मृत्यु भई पहिचान हुन नसकेका शवको वैज्ञानिक, कानुनी तथा सम्मानजनक व्यवस्थापनका लागि गृह मन्त्रालयले ‘पहिचान नभएका तथा बेवारिसे शव व्यवस्थापन निर्देशिका, २०७८’ कार्यान्वयनमा ल्याएको छ।

सरकारले हालै निर्देशिकालाई थप परिमार्जन गर्दै ‘पहिलो संशोधन निर्देशिका, २०८३’ समेत लागू गरेको छ। निर्देशिकाले पहिचान नभएका तथा बेवारिसे शवको सनाखत, वैज्ञानिक प्रमाणको संरक्षण, शवको भण्डारणदेखि अन्तिम व्यवस्थापनसम्मको प्रक्रिया निर्धारण गरेको छ।