नेपाल लाइफको प्रथम बीमा शुल्क १३ अर्ब नाघ्यो, जीवन बीमा क्षेत्रमा नयाँ कीर्तिमान

काठमाडौं । नेपाल लाइफ इन्स्योरेन्सले गत आर्थिक वर्षमा १३ अर्ब रुपैयाँभन्दा बढी प्रथम बीमा शुल्क (फस्ट प्रिमियम इनकम - एफपीआई) आर्जन गर्दै नेपालको जीवन बीमा उद्योगमा नयाँ कीर्तिमान कायम गरेको जनाएको छ ।

कम्पनीका अनुसार आफ्नो स्थापना भएको २५ वर्ष पूरा गरेको अवसरमा नेपाल लाइफले १३ अर्ब रुपैयाँभन्दा बढी प्रथम बीमा शुल्क आर्जन गरेको हो । यसअघि कम्पनीले अघिल्लो आर्थिक वर्षमा १० अर्ब रुपैयाँ प्रथम बीमा शुल्क संकलन गर्दै ऐतिहासिक उपलब्धि हासिल गरेको थियो ।