इलामे चियाबारीले लोभ्याउँदै पर्यटक

इलामको दोस्रो नामजस्तै छ चिया। हुन त पर्यटक लोभ्याउने गन्तव्य इलाममा चियाबारी मात्रै होइन, अरू पनि छन् तर बाहिरका पर्यटकलाई इलाम घुम्ने भन्नेबित्तिकै सबैभन्दा पहिला सम्झनामा आउने भनेको चियाबारी नै हो।

इलामको चियाबारी भनेर धेरैले कन्याम सुनेका हुन्छन्। हुन पनि हो, कन्याम चियाबारी मेची राजमार्गमै परेकाले पनि यसले धेरैलाई लोभ्याउँछ नै। तर पछिल्लो समय नेपालकै सुन्दर चियाबारीमा गणना हुने देउमाई नगरपालिकास्थित पानीटार चियाबारी घुम्न आउनेको संख्या बाक्लो छ।