एआईको आधारमा कर्मचारी हटाएको आरोपमा मेटाविरुद्ध २६ कर्मचारीको मुद्दा

काठमाडौं । फेसबुक, इन्स्टाग्राम र ह्वाट्सएपको मातृ कम्पनी मेटाविरुद्ध २६ जना पूर्वकर्मचारीले अमेरिकाको क्यालिफोर्नियास्थित सङ्घीय अदालतमा मुद्दा दायर गरेका छन् । उनीहरूको आरोप अनुसार कम्पनीले यस वर्षको सुरुआतमा करिब आठ हजार कर्मचारी कटौती गर्दा व्यवस्थापकको मूल्याङ्कनभन्दा कृत्रिम बुद्धिमत्ता (एआई) प्रणालीबाट गरिएको विश्लेषणलाई प्राथमिक आधार बनाएको थियो ।

७१ पृष्ठको उजुरीमा कर्मचारीहरूको कार्यसम्पादन मूल्याङ्कन, कम्प्युटर प्रयोग, कुञ्जी थिचाइ, माउसको गतिविधि तथा अन्य उत्पादनसम्बन्धी तथ्याङ्कका आधारमा एआईले अंक निर्धारण गरेको र त्यसकै आधारमा कर्मचारी हटाउने निर्णय गरिएको उल्लेख गरिएको छ ।