कञ्चनपुरमा च्याउ खोज्न जाँदा सम्पर्कविहीन भएका सबै महिला सकुशल फेला

धनगढी । कञ्चनपुरमा च्याउ खोज्न जाँदा सम्पर्कविहीन भएका सबै महिला सकुशल फेला परेका छन् । आइतबार शुक्लाफाँटा राष्ट्रिय निकुञ्ज क्षेत्रमा च्याउ खोज्न गएका महिलामध्ये अन्तिम तीन जना– लक्ष्मी थापामगर, मञ्जु क्षेत्री र सीता चौधरी सोमबार बिहान करिब पौने ६ बजे टेलिफोनमार्फत सम्पर्कमा आएका थिए ।

शुक्लाफाँटा राष्ट्रिय निकुञ्जको सुरक्षार्थ खटिएको रणसिंह दल गणका सहसेनानी सुमन केसी नेतृत्वको टोलीले उनीहरूको सकुशल उद्धार गरी परिवारको जिम्मा लगाएको हो ।