सीमा नाकाबाट ठूलो परिमाणको अफिम बरामद

परासी : नवलपरासीको सीमा नाकाबाट ५ केजी लागुऔषध अफिम बरामद भएको छ। नेपालबाट भारततर्फ लैजादै गरेको अवस्थामा भारतीय सीमा सुरक्षा बल(एसएसबी) र भारतीय प्रहरीको संयुक्त टोलीले उक्त अफिम बरामद गरेको हो।

सरावल गाउँपालिकाको भुजहवा नाका हुँदै दसगजा पारगरे लगत्तै भारतीय सुरक्षाकर्मीहरुले अफिम बरामद गरेका हुन्। नेपाली नम्बर प्लेटको स्कुटीमा लैजाँदै गरेको अवस्थामा दसगजाबाट तीन सय मिटर पर रहेको भारतीय बजार लक्ष्मीपुरबाट अफिम बरामद भएको हो।