छात्रामाथि दुर्व्यवहार गरेको आरोपमा तीन शिक्षक कर्मचारी पक्राउ

इटहरी- मोरङको सुन्दरहरैँचा नगरपालिका-१० स्थित सुकुना माध्यमिक विद्यालयमा शिक्षकबाट दुर्व्यवहार भएको आरोपपछि उत्पन्न विवादमा प्रहरीले तीन जनालाई पक्राउ गरेको छ। घटनामा संलग्न भएको आशंकामा पक्राउ परेकामाथि थप अनुसन्धान भइरहेको जिल्ला प्रहरी कार्यालय मोरङले जनाएको छ।

प्रहरीका अनुसार सुन्दरहरैँचा-१० निवासी ४० वर्षीय प्रदीप भट्टराई, सुन्दरहरैँचा-२ निवासी ३० वर्षीय किशोरलाल गच्छदार र सुन्दरहरैँचा-१२ निवासी ३५ वर्षीय अविरल मास्केलाई आइतबार बिहान १० बजे नियन्त्रणमा लिइएको हो।