सरकारी सक्रियताले सेयरबजारमा हरियाली, ४१.७० अंकले बढ्यो नेप्से

काठमाडौं- साताको दोस्रो कारोबार दिन सोमबार सेयरबजारमा उल्लेखनीय सुधार देखिएको छ। नेपाल स्टक एक्सचेन्ज (नेप्से) परिसूचक ४१.७० अंकले बढेर २७१९.२४ विन्दुमा पुगेको छ।

सोमबार १ करोड २२ लाखभन्दा बढी कित्ता सेयर किनबेच हुँदा कुल कारोबार रकम ५ अर्ब ५१ करोड रुपैयाँ नाघेको नेप्सेले जनाएको छ। कारोबारमा सहभागी २७६ कम्पनीमध्ये २३९ कम्पनीको सेयर मूल्य बढेको छ भने ३२ कम्पनीको घटेको र ५ कम्पनीको मूल्य स्थिर रहेको छ।