दाह्रा काटेपछि ध्रुर्वे निकुञ्जभित्रै

दाह्रा काटेपछि ध्रुर्वे निकुञ्जभित्रै बस्न थालेको छ। ध्रुर्वे जङ्गली हात्ती हो। यो चितवन राष्ट्रिय निकुञ्जभित्र बस्दै आएको छ।

हात्तीले गत असार २० गते एकै परिवारका दुई जनाको ज्यान लिएको थियो। असार ३१ गते राति ध्रुर्वेलाई सुखीभार पोष्ट नजिक डार्ट गरेर दुई वटा दाह्रा काटिएको हो। ध्रुर्वेको गलामा आधुनिक रेडियो कलर जडान गरिएको छ। जडान गरिएको रेडियो कलरबाट प्रत्येक १० मिनेटमा सूचना सङ्कलन भइरहेको छ।