चोरी पैठारी र गुणस्तरहीन सामानविरुद्ध सरकार आक्रामक

काठमाडौं- बजारमा लेबलविहीन, न्यून गुणस्तरका, मिसावटयुक्त तथा चोरी पैठारी गरिएका सामानको बिक्री बढेको भन्दै सरकारले त्यस्ता गतिविधिमा संलग्न व्यवसायीलाई कडा कारबाही गर्ने चेतावनी दिएको छ।

उद्योग, वाणिज्य तथा आपूर्ति मन्त्रालयअन्तर्गतको वाणिज्य, आपूर्ति तथा उपभोक्ता संरक्षण विभागले सोमबार सूचना जारी गर्दै चालु आर्थिक वर्ष २०८३/८४ मा बजार अनुगमनलाई थप प्रभावकारी बनाइने र कानुन उल्लंघन गर्ने व्यवसायीलाई कानुनबमोजिम हदैसम्मको कारबाही गरिने जनाएको हो।