पछिल्लो २४ घण्टामा ६२ विपद्का घटना, दुईजनाको मृत्यु

काठमाडौं । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार पछिल्लो २४ घण्टामा देशभर विपद्जन्य ६२ वटा घटना भएका छन् । सो अवधिमा मुलुकका विभिन्न भागमा बाढीपहिरो, डुवान सर्पदंश जस्ता प्राकृतिक विपद्का घटना भएका छन् ।

प्राधिकरणकी प्रवक्ता शान्ति महतका अनुसार ती घटनामा दुईजनाको मृत्यु र १५ जना घाइते भएका छन् । “सर्पदंशका कारण दुईजनाको मृत्यु भएको हो भने ११ जाना घाइते भएका छन् । उक्त घटनाबाट नौ जिल्ला प्रभावित छ । पहिरोबाट दुई घाइते र ११ जिल्ला प्रभावित छन्”, उनले भनिन् ।