भूमिहीन दलित र सुकुमवासीलाई सरकारको अन्तिम आह्वान, ३५ दिनभित्र आवेदन दिनुपर्ने

काठमाडौं- सरकारले ६६ वटा स्थानीय तहमा रहेका भूमिहीन दलित, भूमिहीन सुकुमवासी तथा अव्यवस्थित बसोबासीका लागि जग्गा उपलब्ध गराउने र बसोबास व्यवस्थापन प्रक्रिया अघि बढाउन अन्तिमपटक आवेदन आह्वान गरेको छ।

भूमि समस्या समाधान समितिले जारी गरेको सूचनाअनुसार साउन ४ गतेदेखि ३५ दिनभित्र सम्बन्धित लाभग्राहीले निवेदन दर्ता गरिसक्नुपर्नेछ। तोकिएको समयभित्र आवेदन नदिए आगामी प्रक्रियामा सहभागी हुन कठिन हुने समितिले जनाएको छ।