प्रधानमन्त्री–पुँजी बजार संवादपछि नेप्सेमा उत्साह, परिसूचक ४२ अंकले उकालो

काठमाडौं । प्रधानमन्त्री बालेन शाहले पुँजी बजारसँग सम्बन्धित सरोकारवालासँग गरेको छलफलपछि सोमबार नेपाली सेयर बजारमा उल्लेखनीय सुधार देखिएको छ। लगानीकर्ताको मनोबल बढेसँगै नेपाल स्टक एक्सचेन्ज (नेप्से) परिसूचक ४१.७० अंकले बढेर २ हजार ७१९.२४ बिन्दुमा पुगेको छ।

प्रधानमन्त्री तथा मन्त्रिपरिषद्को कार्यालय, सिंहदरबारमा नियामक निकाय, स्टक ब्रोकर तथा लगानीकर्ताका प्रतिनिधिसँग भएको छलफललाई बजारले सकारात्मक सन्देशका रूपमा लिएको विश्लेषण गरिएको छ। पुँजी बजारका समस्या समाधान र सुधारका विषयमा सरकार गम्भीर देखिएको संकेतले लगानीकर्ताको विश्वास बढाएको बजार विश्लेषकहरूको भनाइ छ।