फिफा विश्वकप २०२६ प्रसारणपछि आफ्नो प्लेटफर्ममा दर्शक संख्या ७ लाख नाघेको ‘डीगो’ को दाबी

काठमाडौं । डिशहोम डिजिटल प्रालिले आफ्नो ओटिटी प्लेटफर्म डीगोमा आबद्ध दर्शकको संख्या सात लाख नाघेको जानकारी दिएको छ । सोमबार विज्ञप्ति जारी गर्दै कम्पनीले फिफा विश्वकप २०२६ को प्रत्यक्ष प्रसारणपछि यो आँकडा पार भएको दाबी गरेको छ ।

कम्पनीका अनुसार दर्शकको संख्यामा आएको यो वृद्धि प्रिमियम कन्टेन्ट विस्तार र अन्तर्राष्ट्रिय खेलकुद प्रतियोगिताको डिजिटल प्रसारण रणनीतिको परिणाम हो । यसले डीगोलाई देशकै अग्रणी स्ट्रिमिङ सेवामध्ये एकका रूपमा स्थापित गर्न सहयोग पुगेको कम्पनीको दाबी छ ।