बीपी स्मृति दिवसमा कांग्रेसले ‘जलवायु जनचेतना जुटौँ’ अभियान चलाउने

नेपाली कांग्रेसले बीपी स्मृति दिवसमा कांग्रेसले ‘जलवायु जनचेतना जुटौँ’ अभियान चलाउने भएको छ । साउन ६ गते मनाइने जननेता बीपी कोइरालाको ४४औँ स्मृति दिवसका अवसरमा देशभर विविध कार्यक्रम आयोजना गरिने कांग्रेस उपसभापति विश्वप्रकाश शर्माले बताए ।

उनले भने, ‘साउन ६ गते बीपी कोइरालाको ४४औँ स्मृति दिवस हो । यो दिवसका अवसरमा देशभर नै विशेषगरी साउन ६ र ७ गते विविध कार्यक्रमहरू हुँदैछन् । त्यसक्रममा काठमाडौंमा केन्द्रीय रूपमा ‘जलवायु जनचेतना जोगाउन जुटौँ’ भन्ने मुख्य उद्देश्यका साथ साउन ६ गते कार्यक्रम आयोजना हुँदैछ । साउन ७ गते पनि त्यससँग सम्बन्धित कार्यक्रम हुनेछ ।’