जनकपुरको रामानन्द र पिडारी चोक सवारी दुर्घटनाको अति जोखिममा

जनकपुरधाम । मधेस प्रदेशमा सबैभन्दा बढी सवारी दुर्घटना हुने जिल्ला धनुषा रहेको तथ्याङ्कले देखाउछ । ट्राफिक सचेतना, बढ्दो सवारीसाधन एवं चालकबाट हुने असावधानी र लापरवाहीका कारण धनुषामा दुर्घटनाको तथ्याङ्क कहालीलाग्दो अवस्थामा छ ।

धनुषामा पनि जनकपुरको मुख्य स्थल रामानन्द चोक, पिडारी चोक र मुजेलियमा सबैभन्दा बढी दुर्घटना हुने गर्दछ । अन्य जिल्लाबाट आउने यात्री तथा धार्मिक पर्यटकहरू लागि जानकी मन्दिर जाने मुख्य मार्ग नै रामानन्द चोक हुने गर्छ । यही चोकबाट अधिकांश पर्यटक मन्दिर दर्शनका लागि आवतजावत गर्छन् ।