भोटेकोशी बाढी: बारा र पर्साका ३१ जना सम्पर्कविहीन

भोटेकोशी खोलाको बाढीपछि बारा र पर्साका ३१ जना सम्पर्कविहीन भएका छन् । रसुवा, नुवाकोट लगाएतको बाढी प्रभावित जिल्लामा विभिन्न कामले गएका बिहीबार दिउँसो ३ बजेसम्म पनि सम्पर्कमा नआएको बारा र पर्सा जिल्ला प्रशासन कार्यालयले जनाएको छ। सम्पर्कमा नआएकाहरुको बारेमा उनीहरुको परिवारका सदस्यले जानकारी दिएको बारा र पर्साका जिल्ला प्रशासन कार्यालयहरुले जनाएका छन्।

जिल्ला प्रशासन कार्यालय बाराका सहायक प्रमुख जिल्ला अधिकारी छबिरमण भट्टराईले बाराका भोटेकोशी बाढीबाट सम्पर्कविहीन भएका विभिन्न स्थानीय तहहरुका १५ जना भएको जानकारी प्राप्त भएको बताए ।