'अफिन'द्वारा स्वास्थ्य संस्था सञ्चालन मापदण्ड परिमार्जनको माग, कार्यदलद्वारा प्रतिवेदन पेस

काठमाडौं- निजी अस्पताल सञ्चालकहरूको संस्था, एसोसिएसन अफ प्राइभेट हेल्थ इन्स्टिच्युसन अफ नेपाल (अफिन)ले सरकारद्वारा जारी ‘स्वास्थ्य संस्था सञ्चालन तथा स्थापना स्तरोन्नति मापदण्ड २०७०’ (संशोधित २०७७)लाई परिमार्जन र संशोधन गर्न माग राखेको छ।

विगत लामो समयदेखि विद्यमान मापदण्डका व्यावहारिक कठिनाइ र त्रुटिहरू सच्याउन सरकारसमक्ष आवाज उठाउँदै आएको अफिनले यसबारे ठोस पहल नभएपछि आफ्नै स्तरमा एक कार्यदल गठन गरेको थियो। गणेशमान सिंह मेमोरियल अस्पतालका सञ्चालक राजेन्द्रराज पौडेलको संयोजकत्वमा गठित सो कार्यदलले देशभरका सातै प्रदेशमा स्थलगत भ्रमण गरी तथा केन्द्रका विज्ञहरूसँग सघन छलफल गरेर तयार पारेको विस्तृत प्रतिवेदन सोमबार अफिनका केन्द्रीय अध्यक्ष डा. पदम खड्कालाई बुझाएको छ।