नेपाल, चीन र एफएओको सहकार्यमा कृषि तथा खाद्य प्रणाली सुदृढीकरण परियोजना सुरु

नेपाल सरकार, संयुक्त राष्ट्रसंघीय खाद्य तथा कृषि संगठन (एफएओ) र चीन सरकारको साझेदारीमा ‘स्ट्रेन्थेनिङ एग्रिफुड सिस्टम्स इन नेपाल’ परियोजना औपचारिक रूपमा सुरु गरिएको छ। २४ महिनासम्म सञ्चालन हुने यस परियोजनाले पहाडी तथा हिमाली क्षेत्रमा जलवायु–उत्थानशील कृषि प्रवर्द्धन, ग्रामीण जीविकोपार्जनमा सुधार तथा खाद्य र पोषण सुरक्षालाई सुदृढ बनाउने लक्ष्य लिएको छ।

चीनको ग्लोबल डेभलपमेन्ट एन्ड साउथ–साउथ कोअपरेसन फन्ड को आर्थिक सहयोगमा सञ्चालन हुने परियोजनाले स्थानीय संस्थाको क्षमता अभिवृद्धि, जलवायु–स्मार्ट कृषि, पोषण सुधार, डिजिटल प्रविधिको प्रयोग तथा समावेशी ग्रामीण विकासमा सहयोग गर्ने जनाइएको छ।