आफ्नो पसलबाट २५ लाख रुपैयाँको नयाँ कपडा बाढी प्रभावितलाई दान गर्ने दीपा सिम्खडाको घोषणा

काठमाडौं । व्यवसायी तथा कन्टेन्ट क्रियटर दीपा सिम्खडाले रसुवा बाढीबाट प्रभावितहरुलाई आफ्नो तर्फबाट ठूलो सहायताको घोषणा गरेकी छन् । उनले आफ्नो पसलमा रहेको ५० लाख मूल्य बराबरको स्टकमध्ये ५० प्रतिशत अर्थात् २५ लाख रुपैयाँ बराबरको लत्ताकपडा प्रभावितहरूका लागि निःशुल्क उपलब्ध गराउने घोषणा गरेकी हुन् ।

सामाजिक सञ्जालमा एक भावुक सन्देश लेख्दै दिपाले आफूलाई ‘देशकी छोरी’ का रूपमा प्रस्तुत गर्दै विपद्को समयमा व्यवसायीको नाताले आफ्नो कर्तव्य पुरा गर्न चाहेको बताएकी छन् ।