स्थानीय तहलाई सिंहदरबारले भन्यो- विपद्को बेला कोही कर्मचारी बिदा नबस्नु, कतै नजानू

अविरल वर्षासँगै देशैभर बाढी, पहिरो र डुबान जस्ता विपद्को जोखिम बढेपछि सरकारले स्थानीय तह र जिल्ला समन्वय समितिका कर्मचारीहरूलाई आफ्नो कार्यक्षेत्र नछाड्न निर्देशन दिएको छ।

भूमि व्यवस्था, सहकारी, संघीय मामिला तथा सामान्य प्रशासन मन्त्रालयले हाल घरबिदा वा अन्य बिदामा रहेका कर्मचारीहरूलाई समेत तत्काल बिदा छोट्याएर कार्यालयमा हाजिर हुन परिपत्र जारी गरेको हो।