विपद्को समयमा कार्यालय नछाड्न सरकारको निर्देशन

सरकारले अविरल वर्षा, बाढी र पहिरोजस्ता विपद्जन्य घटनाको जोखिम बढ्दै गएपछि जिल्ला समन्वय अधिकारी र स्थानीय तहका प्रमुख प्रशासकीय अधिकृतलाई कार्यालयमा अनिवार्य रूपमा उपस्थित रहन निर्देशन दिएको छ।

भूमि व्यवस्था, सहकारी तथा सङ्घीय मामिला मन्त्रालयअन्तर्गत स्थानीय तह समन्वय शाखाले सोमबार परिपत्र जारी गर्दै विपद् व्यवस्थापन, उद्धार, राहत, समन्वय तथा सेवा प्रवाहलाई प्रभावकारी बनाउन यस्तो निर्देशन दिएको हो।