एक महिनामा ७७ अपराधका मुद्दा फर्छ्यौट

जिल्ला प्रहरी कार्यालय मकवानपुरमा गत असार महिनामा विभिन्न अपराधसँग सम्बन्धित १३५ मुद्दा दर्ता भएकोमा ७७ फर्छ्यौट भएका छन्।

अपराध अनुसन्धान तथा नियन्त्रणतर्फ विभिन्न २३ शीर्षकमा भएका अपराध दर्ताका मुद्दामध्ये सबैभन्दा बढी अभद्र व्यवहारसम्बन्धी रहेकोमा सो मुद्दा शतप्रतिशत फर्छ्यौट भएको छ। त्यस्तै लागुऔषधसम्बन्धी २५ मुद्दा सबै फर्छ्यौट भएका छन्।