भारतबाट अवैध रूपमा भन्सार छलेर ल्याएका १४ लाख ८६ हजारका सामान बरामद

काठमाडौँ- भारतबाट अवैध रूपमा भन्सार छली ल्याइएका लत्ताकपडा, औषधि तथा कस्मेटिक सामान सशस्त्र प्रहरीले मोरङबाट बरामद गरेको छ। सामानसहित सवारी साधन र एक जना आरोपीलाईसमेत पक्राउ गरिएको सशस्त्र प्रहरी बलले जनाएको छ।

सशस्त्र प्रहरीको टोलीले मोरङका विभिन्न स्थानबाट १४ लाख ८६ हजार ४८० रुपैयाँ बराबरको सामान, सवारी साधन र व्यक्तिलाई नियन्त्रणमा लिएको हो।