चितवनमा एक वर्षमा ५४५ सवारी दुर्घटना, १०५ को मृत्यु

चितवन । चितवन जिल्लामा गत आर्थिक वर्ष २०८२/८३ मा भएका पाँच सय ४५ सवारी दुर्घटनामा एक सय पाँच जनाको मृत्यु भएको छ भने नौ सय ९९ जना घाइते भएका छन्। अघिल्लो आर्थिक वर्षको तुलनामा दुर्घटना, मृतक र घाइतेको संख्या घटेको जिल्ला ट्राफिक प्रहरी कार्यालयले जनाएको छ।

कार्यालयका प्रमुख प्रहरी निरीक्षक अनिल थापाका अनुसार आर्थिक वर्ष २०८१/८२ मा जिल्लामा एक हजार ५० दुर्घटना हुँदा एक सय २० जनाको मृत्यु र एक हजार आठ सय ७७ जना घाइते भएका थिए।