क्यानडामाथि ५० प्रतिशत भन्सार लगाउने ट्रम्पको घोषणा

काठमाडौं । अमेरिकी राष्ट्रपति डोनाल्ड ट्रम्पले क्यानडाबाट आयात हुने केही वस्तुमा ५० प्रतिशतसम्म भन्सार शुल्क लगाउने घोषणा गरेका छन्। बीबीसीका अनुसार नयाँ भन्सार दर आगामी ३० दिनभित्र लागू हुने अपेक्षा गरिएको छ।

ट्रम्पले अमेरिकी गाडी, दुग्धजन्य पदार्थ र मदिराप्रति क्यानडाले अपनाएको व्यापार नीतिलाई ‘असमान’ भन्दै त्यसको जवाफस्वरूप नयाँ शुल्क लागू गरिएको बताएका छन्। यस निर्णयसँगै दुई देशबीचको व्यापारिक सम्बन्ध थप तनावपूर्ण बन्ने संकेत देखिएको छ।