लालबकैया बाँधको उच्चस्तरीय अनुगमन, बाढी जोखिम न्यूनीकरणमा सतर्कता अपनाइने

रौतहट । रौतहटको मौलापुर नगरपालिका–१ मर्यादपुरस्थित लालबकैया खोलाको बाँधको अवस्था र सम्भावित बाढी जोखिमको मूल्याङ्कन गर्न सोमबार साँझ उच्चस्तरीय अनुगमन तथा निरीक्षण गरिएको छ।

हरेक वर्ष मनसुनका बेला बाढी र कटानका कारण जोखिम बढ्ने भएकाले स्थानीय बासिन्दालाई उच्च सतर्कता अपनाउन, मौसमसम्बन्धी आधिकारिक सूचना नियमित रूपमा पालना गर्न तथा जोखिम बढे सुरक्षित स्थानमा स्थानान्तरण हुन आग्रह गरिएको छ।