सशस्त्र प्रहरीद्वारा झण्डै १५ लाख रुपैयाँबराबरका अवैध सामानसहित एक जना पक्राउ

काठमाडौं । मोरङ जिल्लाको बुढिगंगा गाउँपालिका–१ टंकी सिनवारी र सीमा इलाकाबाट सशस्त्र प्रहरीले १४ लाख ८६ हजार ४ सय ८० रुपैयाँबराबरको चोरीपैठारीको सामान र एक जना व्यक्तिलाई नियन्त्रणमा लिएको छ ।

सोमबार भारतबाट अवैधरुपले नेपालतर्फ ल्याउँदै गरेको सामानसहित सोही जिल्लाको विराटनगर महानगरपालिका–१७ रानीबस्ती बस्ने ३२ वर्षीय मोहमद अफजललाई सशस्त्र प्रहरी बल नेपाल नम्बर ३ कंकालिनी गण मोरङ र सीमा सुरक्षा गुल्म रानीले नियन्त्रणमा लिएको हो ।