भारतमा आज सीजेपी र किसानको दोहोरो प्रदर्शन, थप कडा बनाइयो सुरक्षा

भारत : भारत दिल्लीका सडकहरूमा फेरि प्रदर्शनको लहर सुरु भएको छ । सोमबार भएको तनावपूर्ण झडपपछि आज ककरोच जनता पार्टी (सीजेपी) ले जन्तर–मन्तरमा प्रदर्शन गरिरहेको छ भने, अर्कोतर्फ पञ्जाबबाट हजारौं किसानहरू भारत–अमेरिका व्यापार सम्झौताविरुद्ध शम्भू–खनौरी सीमामा भेला भएका छन् ।

सोमबारको प्रदर्शनमा भएको हिंसात्मक झडपपछि दिल्लीमा सुरक्षा व्यवस्था थप कडा बनाइएको छ । त्यसका बाबजुद सीजेपीले आफ्नो आन्दोलन जारी राखेको छ । जन्तर–मन्तर र संसद क्षेत्र वरिपरि प्रदर्शनकारी र सुरक्षाकर्मीको बाक्लो उपस्थिति देखिएको छ । यता किसानहरूले प्रस्तावित भारत–अमेरिका व्यापार सम्झौताले भारतीय कृषि र दुग्ध क्षेत्रलाई नोक्सान पुग्ने भन्दै विरोध प्रदर्शन गरिरहेका छन् । उनीहरू सरकारसँग सम्झौताबारे पुनर्विचार गर्न र किसानका हित सुरक्षित गर्न माग गरिरहेका छन् ।