ताप्लेजुङको कालिखोला नेवारेमा पहिरो : एक घरमा पूर्ण रूपले क्षति, अर्को जोखिममा

ताप्लेजुङको सिदिङ्वा गाउँपालिका वडा नं १ मंगलवार बिहान गएको पहिरोले एक घरमा पूर्ण रूपले क्षति पुर्‍याएको छ भने अर्को एक घर जोखिममा पारेको छ।

सिदिङ्वा गाउँपालिका वडा नं १ कालिखोलाका वडा सदस्य टइन्द्र चापागाँइका अनुसार स्थानीय जीवनाथ बाँनियाको घर पहिरोले पूर्ण रूपमा क्षति पुर्‍याएको हो। मानवीय क्षति भने नभएको वडा सदस्य चापागाँइले जानकारी दिए।