ललितपुरको इमाडोलमा १५ मिटर सडक भासियो, व्यापारिक स्टलहरू क्षतिग्रस्त

ललितपुर- महालक्ष्मी नगरपालिकाको इमाडोल क्षेत्रमा करिब १५ मिटर सडक भासिएको छ। सडक किनारसँगै जोडिएका व्यापारिक स्टलहरू समेत भत्किँदा स्थानीय व्यवसायीहरू प्रभावित बनेका छन्।

साविक इमाडोल गाविसको ३ नम्बर वडा कार्यालय नजिकै रहेको मन्दिर आसपासको क्षेत्रमा केही दिनअघिदेखि नै सडक किनारमा चिरा पर्न थालेको थियो। तर, सोमबार एकाएक ठूलो क्षेत्र ओगटेर सडक भासिएपछि आसपासका पसलहरूमा क्षति पुगेको हो।