कीर्तिपुरमा गुडिरहेको कारमा आगलागी, गाडीभित्रै डढेर चालकको मृत्यु

काठमाडौं । काठमाडौंको कीर्तिपुर नगरपालिकास्थित ट्याङ्लाफाँटमा गुडिरहेको एक निजी कारमा अचानक आगलागी हुँदा चालकको जलेर मृत्यु भएको छ । बा ५ च ३०३८ नम्बरको गुडिरहेको निजी कारमा अचानक आगलागी भएको हो । मृतक चालकको सनाखत हुन सकेको छैन । सिट बेल्ट बाँधेको अवस्थामै उनलाई मृत फेला पारिएको जनाइएको छ ।

जिल्ला प्रहरी परिसर काठमाडौंका प्रमुख एसएसपी दिलीप घिमिरेले कारमा एक्कासि आगो लागेपछि चालक बाहिर निस्कन नपाउँदा उनको गाडीभित्रै मृत्यु भएको बताए ।