कीर्तिपुरमा कारमा एक्कासि भीषण आगलागी, सिट बेल्टका कारण बच्न सकेनन् चालक

काठमाडौं- राजधानीको कीर्तिपुर नगरपालिका–ट्याङ्लाफाँट क्षेत्रमा मंगलबार बिहान गुडिरहेको एक निजी कारमा अचानक आगलागी हुँदा चालकको जलेर मृत्यु भएको छ। घटनापछि केहीबेर उक्त क्षेत्रमा त्रासपूर्ण अवस्था सिर्जना भएको थियो भने स्थानीय र सुरक्षाकर्मीले आगो नियन्त्रणमा लिन तत्काल प्रयास गरेका थिए।

प्रहरीका अनुसार चाँदनी चोक नजिकै बा ५ च ३०३८ नम्बरको किया कार सडकमा गुडिरहेका बेला एक्कासि आगो सल्किएको थियो। आगो तीव्र रूपमा फैलिएका कारण चालकले समयमै गाडीबाट बाहिर निस्कने अवसर नपाएको प्रारम्भिक अनुसन्धानबाट खुलेको छ।