दक्षिण कोरियामा रोजगारीका लागि भाषा परीक्षाको आवेदन खुला, यस्ता व्यक्तिले आवेदन दिन नपाउने

दक्षिण कोरियामा रोजगारीका लागि कोरियन भाषा परीक्षाको आवेदन खुलेको छ । मंगलबार ईपीएस कोरिया शाखाले सूचना जारी गर्दै भाषा परीक्षाको आवेदन खुला भएको जानकारी गराएको हो ।

शाखाका अनुसार उत्पादनमूलक क्षेत्रका लागि पाँच हजार जना, कृषि तथा पशुपालन क्षेत्रका लागि दुई हजार जना, सेवा क्षेत्रका लागि एक सय जना र वन क्षेत्रका लागि एक सय जना गरी जम्मा सात हजार दुई सय जनाका लागि आवेदन खुलेको हो । तर, कोरियामा कामदारको मागअनुसार पोइन्ट बेस्ड सेलेक्सन सिस्टममा उत्तीर्ण संख्या केही थपघट हुन सक्नेछ ।