जसपा नेपालले बोलायो पुरानो केन्द्रीय समिति बैठक, आफ्नो छुट्टै कार्यक्रम जारी राख्ने

काठमाडौँ । महन्थ ठाकुर नेतृत्वको लोकतान्त्रिक समाजवादी पार्टी नेपाल र उपेन्द्र यादव नेतृत्वको जनता समाजवादी पार्टीबिच एकता भएको ६ महिनाभन्दा बढी भइसक्यो । तर पूर्णता नपाउँदै अनेक झमेला सुरु भएको छ ।

दुवै पार्टीले छुटाछुट्टै बैठक बोलाउन थालेका छन् । आइतबार जसपा नेपालको पुरानो कार्यकारिणी समितिको बैठक सम्पन्न भएको छ । सो बैठकले पुरानो केन्द्रीय समितिको बैठक बोलाएको छ । पार्टी एकता तथा समायोजनका लागि छलफल गर्ने बहानामा लोसपा र जसपा नेपालले आआफ्नो पुरानो समितिहरू ब्युँताउन थालेका छन् ।