आफ्ना सांसदलाई रास्वपाको पाँचबुँदे निर्देशन, भ्रमणलाई रणनीतिक अभियानका रूपमा सञ्चालन गर्न आग्रह

राष्ट्रिय स्वतन्त्र पार्टी (रास्वपा) ले आफ्ना प्रतिनिधिसभा सदस्यलाई निर्वाचन क्षेत्र र जिल्लाको भ्रमण थप व्यवस्थित, समन्वयात्मक तथा परिणाममुखी बनाउन पाँचबुँदे निर्देशन जारी गरेको छ।

पार्टीका महामन्त्री विपिनकुमार आचार्यले जारी गरेको परिपत्रमा सांसदहरूको निर्वाचन क्षेत्र भ्रमणलाई औपचारिकता वा व्यक्तिगत जनसम्पर्कमा सीमित नराखी पार्टीको राजनीतिक दृष्टिकोण विस्तार, संगठन सुदृढीकरण र जनअभिमतलाई संसदीय एजेन्डासँग जोड्ने रणनीतिक अभियानका रूपमा सञ्चालन गर्न आग्रह गरिएको छ।