जनदबाबमा झुक्दै बालेन, एकपछि अर्को निर्णय फिर्ता

काठमाडौँ- लोकसेवा आयोगमा नयाँ विज्ञापन रोक्ने निर्णय होस् वा शिक्षा–स्वास्थ्य क्षेत्रमा तीन प्रतिशत समता शुल्क लगाउने नीति, दुवै विषयमा तीव्र जनदबाबपछि बालेन सरकार पछि हट्न बाध्य भएको छ। सरकारको यो क्रमले नीति निर्माणमा पर्याप्त गृहकार्यको अभाव र निर्णयपछि जनमतको दबाबमा फिर्ता गर्ने प्रवृत्तिमाथि प्रश्न उठाएको छ।

प्रधानमन्त्री वालेन्द्र शाह (बालेन) नेतृत्वको सरकारले पछिल्ला केही दिनमै दुई महत्वपूर्ण निर्णयमा जनदबाबपछि पछि हट्नुपरेको हो। यसले सरकारको निर्णय प्रक्रिया, नीतिगत तयारी र कार्यान्वयन क्षमतामाथि बहस सुरु भएको छ।