सिर्सिया नदी प्रदूषणमा सरकारको कडाइ, १२ उद्योगलाई जनही १० लाख रुपैयाँ जरिवाना

सिर्सिया नदी प्रदूषण नियन्त्रणमा सरकारले कडाइ थालेको छ। उद्योग, वाणिज्य तथा आपूर्ति मन्त्री गौरीकुमारी यादवको निर्देशनपछि वातावरणीय मापदण्ड उल्लङ्घन गर्ने उद्योगहरूमाथि कारबाही सुरु गर्दै सरकारले १२ उद्योगलाई जनही १० लाख रुपैयाँ जरिवाना गरेको छ।

मन्त्रालयका अनुसार सिर्सिया नदी आसपास सञ्चालित उद्योगहरूलाई प्रदूषण नियन्त्रण गर्न करिब एक महिनाको समय दिँदै सूचना जारी गरिएको थियो। तर तोकिएको अवधिमा पनि सुधार नभएपछि वातावरण विभागको प्राविधिक टोलीले बारा र पर्साका २१ उद्योगमा स्थलगत अनुगमन गरेको थियो।