संकटमा ‘स्थायी सरकार’: नयाँ सरकारका प्रशासनिक कदमले सिंहदरबारमा अन्योल र त्रास !

प्रधानमन्त्री वालेन्द्र शाह (बालेन) को नेतृत्वमा नयाँ सरकार गठन भएयता पछिल्लो चार महिनामा चालेका प्रशासनिक कदमहरूले मुलुकको स्थायी सरकार मानिने निजामती प्रशासन त्रसित बनेको छ ।

‘प्रशासनिक शुद्धीकरण’ र ‘योग्यता प्रणाली’ (मेरिटोक्रेसी)का नाममा सरकारले संसद् छलेर ल्याएका अध्यादेश, कर्मचारीको जागिर अवधि कटौतीको प्रस्ताव, बहालवाला वरिष्ठ सचिवमाथिको प्रहरी हस्तक्षेप र कनिष्ठलाई मुख्यसचिव बनाउने जस्ता शृंखलाबद्ध निर्णयले निजामती कर्मचारीहरूको मनोबल निकै कमजोर बनेको हो ।