‘साइबर बुलिङ’ गर्ने तीन शिक्षक पक्राउ, छात्राको बयान– ‘हि इभन आस्क्ड मि फर रेट !’

काठमाडौं । कल्पना गरौँ त, गुरुले आफ्ना शिष्यप्रति अनादर र कुभलो चिताए चलिआएको सम्मानमा कस्तो आघात पर्ला ? मोरङको सुन्दरहरैँचामा एउटा यस्तै घटना भएको छ । ज्ञानको दीपमार्फत शिष्यलाई प्रकाश छर्ने गुरुहरूले नै कुदृष्टि राखेको घटना सार्वजनिक भएको हो ।

सामाजिक सञ्जालमार्फत अनेकन् म्यासेज पठाएर छात्राहरूलाई ‘ह्यारेसमेन्ट’सहित विभिन्न प्रस्ताव राखिएको उक्त घटनाले गुरुप्रतिको प्रचलित मान्यतामाथि नै प्रश्नचिह्न खडा गरिदिएको छ ।