रामशरण महत अदालत उपस्थित हुनैपर्ने, मुद्दा मुलतबीमा राख्न विशेष अदालतद्वारा अस्वीकार

पोखरा क्षेत्रीय अन्तर्राष्ट्रिय विमानस्थल निर्माणमा भएको भनिएको भ्रष्टाचारसम्बन्धी मुद्दामा विशेष अदालतले पूर्वअर्थमन्त्री डा. रामशरण महतविरुद्धको मुद्दा मुलतबीमा राख्न अस्वीकार गरेको छ।

मंगलबार न्यायाधीश हेमन्त रावल, डिल्लीरत्न श्रेष्ठ र उमेश कोइरालाको संयुक्त इजलासले महतकी पत्नी रोशना महतले दिएको निवेदन खारेज गर्दै अदालतमा उपस्थित भएपछि स्वास्थ्य अवस्थालाई समेत विचार गरेर कानुनबमोजिम आवश्यक आदेश दिन सकिने उल्लेख गरेको छ।