फुटबल अर्थतन्त्रः रेस्टुरेन्टको सट्टा फुड डेलिभरी चले, एआईले टिसर्ट व्यापार खस्कियो

काठमाडौँ । मौसमी रूपमा हुने सुस्त र आर्थिक मन्दीपछि तग्रिँदै गरेको अर्थतन्त्रलाई विश्वकप फुटबलले राहत दिएको छ । बर्खा र खेतीपातीको मौसमका कारण अफ सिजन मानिने व्यापार र सेवामूलक क्षेत्रमा फुटबलले रौनकता थपिदियो ।

तर, यसपालि व्यापारको ट्रेन्डमा भने अनौठो परिवर्तन देखियो । रेस्टुरेन्ट एन्ड बार एशोसिएसन नेपाल (रेबान) का अध्यक्ष संघर्ष विष्टका अनुसार अघिल्ला सिजनहरूमा हुने होटल तथा रेस्टुरेन्टको व्यापार यसपालि अपेक्षित रूपमा बढेन, बरु वैकल्पिक व्यापार धेरै देखियो ।