संसदमा एमालेले भन्यो - विष्णु पौडेलको गिरफ्तारी राजनीतिक प्रतिशोध

नेकपा (एमाले) ले आफ्ना पार्टी उपाध्यक्ष एवं प्रभावशाली नेता विष्णु पौडेलको गिरफ्तारीलाई राजनीतिक प्रतिशोधको आरोप लगाएको छ ।

आइतबार बसेको प्रतिनिधिसभा बैठकमा बोल्दै एमाले सांसद पुष्पराज कँडेलले सरकारले पूर्वाग्रही ढंगले पौडेललाई पक्राउ गरेको भन्दै कडा आपत्ति जनाए। सांसद कँडेलले गत निर्वाचनका प्रतिस्पर्धीले दिएको बयानलाई मात्र आधार बनाएर नेता पौडेललाई समातिएको दाबी समेत गरे । सरकारको यो कदम राजनीतिक रूपमा प्रेरित र प्रतिशोधपूर्ण रहेको एमालेको ठहर छ।