तीस हजार मेट्रिक टन युरिया मल बोकेको जहाज कोलकाता बन्दरगाहमा

काठमाडौं । नेपालका कृषकहरूलाई समयमै रासायनिक मल उपलब्ध गराउने उद्देश्यअनुसार भारतको कलकत्ता बन्दरगाहमा ३० हजार मेट्रिक टन युरिया मल बोकेको तेस्रो जहाज आइपुगेको छ।

निरन्तरको वर्षाका कारण भारततर्फ मालवाहक रेलको सञ्चालन केही प्रभावित भए पनि मल आपूर्तिको कामलाई निरन्तरता दिइएको मन्त्रालयले जनाएको छ। यसअघि हिजै नेपाल आइपुग्नुपर्ने १,२५० मेट्रिक टन युरिया मल बोकेको रेल अब भोलि मात्र नेपाल आइपुग्ने जानकारी प्राप्त भएको छ भने २५ सय मेट्रिक टन डीएपी मल बोकेको अर्को रेल पनि भोलि नै नेपाल आइपुग्ने अपेक्षा गरिएको छ।