दोलखाको मूलखर्कमा पहिरो: १ जना बेपत्ता, ४ जना उद्धारको पर्खाइमा

दोलखा । दोलखाको सिप्रिङखोला जलविद्युत आयोजनाको बाँधस्थल मूलखर्क क्षेत्रमा गएराति आएको पहिरोमा परी एक जना बेपत्ता भएका छन् ।

गएराति ११ बजेतिर आएको पहिरोमा एक जना बेपत्ता भएका छन् भने चार जना भीरमा फसेका छन् । जलविद्युत केन्द्रमा कार्यरत कर्मचारीहरु सुकदेव श्रेष्ठ, सूर्यबहादुर तामाङ, कल्याण विक र विनोद श्रेष्ठ भीरको खुड्किलोमा अड्केका छन् ।