ट्रम्पले पारित गरे साउदीले युरेनियम प्रशोधन गर्न सक्ने आणविक सम्झौता

वासिङ्टन डिसी । अमेरिकी राष्ट्रपति डोनाल्ड ट्रम्पले साउदी अरेबियासँग नागरिक प्रयोजनका लागि आणविक ऊर्जा कार्यक्रम विकास गर्ने सम्झौता स्वीकृत गरेका छन् ।

उक्त सम्झौताअन्तर्गत साउदी अरेबियाले भविष्यमा आफ्नै भूमिमा युरेनियम प्रशोधन (युरेनियम एनरिचमेन्ट) गर्ने क्षमता प्राप्त गर्न सक्ने दुई जानकार स्रोतलाई उद्धृत गर्दै एपी समाचार संस्थाले जनाएको छ । सार्वजनिक रूपमा बोल्ने अधिकार नभएका ती स्रोतहरूका अनुसार सम्झौताको औपचारिक घोषणा बुधबार नै हुन सक्ने अपेक्षा गरिएको छ ।